Qara dənizdə Türkiyə gəmisinə dron hücumu olub.
Dənizçilik informasiya portalı Maritime Voice-a görə, Qara dənizdə Türkiyə şirkəti tərəfindən idarə olunan VOLGO-BALT 226 gəmisinə dron hücumu edilib.
Portalın “X” hesabında deyilir: “Türk şirkəti tərəfindən idarə olunan VOLGO-BALT 226 gəmisinə Qara dənizdə dron hücumu edilib. Gəminin körpüsünə və yaşayış yerlərinə ciddi ziyan dəyib”.
Mənbənin məlumatına görə, gəmidə 11 nəfər var: 10 Azərbaycan vətəndaşı və bir Gürcüstan vətəndaşı. Hadisə nəticəsində heç kim xəsarət almayıb.
Nəşr bildirib ki, “Zərərə baxmayaraq, gəmi Trabzona doğru irəliləyir”.
