UEFA “Şamaxı”nı “Keşlə” klubunun varisi kimi tanıyıb.
Bu barədə Veteninfo.az-a AFFA Lisenziyalaşdırma qrupunun rəhbəri Elçin Məmmədov məlumat verib.
Assosiasiya rəsmisi “Şamaxı”nın loqosunda “2022” yazılmasına da münasibət bildirib.
Məmmədov loqo seçiminin kluba aid olduğunu vurğulayıb: “Loqonun hansı formada olması və orada hansı ilin yazılması onların öz seçimidir. Ola bilsin, 2022 – Şamaxıya köçdükləri ili göstərir. Klub “Keşlə”nin cari mövsüm qazandığı xallarla mübarizəyə davam edəcək. Bu da onların “Keşlə”nin varisi olmasına əsas verir”.
Qeyd edək ki, “Keşlə” tezliklə ev oyunlarını Şamaxıda yeni adla keçirəcək.
