Albaniyada hökumət əleyhinə etirazçılar İqtisadiyyat Nazirliyinin binasına basqın edərək ofis binalarını dağıdıblar .
Albanian Daily News qəzetinin məlumatına görə , etirazçılar binadan mebel və avadanlıqları da çıxarmağa başlayıblar .
Vətəninfo.az xəbər verir ki, iğtişaşlar zamanı ölkənin Mərkəzi Seçki Komissiyasının binası da zədələnib .
Tiranada etirazlar 13 oktyabrda Təhsil Nazirliyinin binası yaxınlığında tələbə nümayişi ilə başladı və ertəsi gün də davam etdi .
Baş nazir Edi Ramanın istefasını tələb edən etirazçılar baş nazirin iqamətgahına aparan polis baryerini yarmağa çalışdılar . Polis müdaxilə etdikdən sonra onlar qruplara bölünərək paytaxtın mərkəzindəki hökumət binalarını dağıtmağa başladılar .
İğtişaşlar nəticəsində parlamentin, Ədliyyə Nazirliyinin , dövlət arxivinin və digər idarələrin binalarına ziyan dəyib .
Albaniyanın müxalifət Demokrat Partiyasının lideri Sali Berişa etirazçıları dəstəklədiyini açıqlayıb .
