İranın Milli Təbii Qaz Şirkətinin (NIGC) Baş direktoru Məcid Çegeni İran İşçi Xəbər Agentliyinə müsahibəsində ölkəsinin təbii qaz ixracının gələcəyinə dair izləyəcəyi siyasəti şərh edib. Vətəninfo.az xəbər verir ki, Məcid Çegeni bildirib ki, əgər Avropaya təbii qaz ixrac etməli olsaq bu Türkiyə üzərində reallaşacaq.
Pakistan, Əfqanıstan və Omanın da İran təbii qazını istədiyini ifadə edən Çegeni, danışıqların gündəmdə olduğunu, lakin bu ölkələrin bəziləri ilə müqavilə imzalamaq üçün lazım olan infrastrukturun hələ hazır olmadığını sözlərinə əlavə edib.
