Qadınlardan ibarət Çexiya və Belarus yığmaları arasında 2023-cü il dünya çempionatının seçmə mərhələ oyununun vaxtı açıqlanıb.
Vətəninfo.az Belarus Futbol Federasiyasının rəsmi saytına istinadən xəbər verir ki, qonaq komandanın heyətində koronavirusa kütləvi yoluxma hallarına görə təxirə salınmış qarşılaşma 2022-ci ilin iyununda keçiriləcək.
UEFA qərarı Çexiya Futbol Assosiasiyasının müraciəti və qarşı tərəfin razılığı əsasında qəbul edib.
Qeyd edək ki, görüş noyabrın 30-da baş tutmalı idi.
