Türkiyədəki seçkilərdən sonra ənəvi olaraq Şimali Kiprə və ya Azərbaycana səfər edən prezident Rəcəb Təyyub Ərdoğan bu dəfə ənəni dəyişəcək.
Vətəninfo.az Haberler.com saytına istinadən xəbər verir ki, Türkiyə prezidenti bu dəfə Moldovaya səfər edəcək.
Mayın 14-də keçirilən prezident seçkilərində namizədlər mütləq səs çoxluğu əldə edə bilmədiklərindən Türkiyədə yeni prezidentin müəyyənləşdirilməsi üçün mayın 28-də yenidən səsvermə başlandı. Türkiyə siyasi tarixində ilk dəfə keçirilən prezident seçkilərinin ikinci turunda prezident Ərdoğan yenidən prezident seçilib.
Türkiyə yeni dövrə hazırlaşarkən, millət vəkilləri Türkiyə Böyük Millət Məclisində and içəcək, Ərdoğan isə Nazirlər Kabinetini formalaşdıracaq. Bu məqamda ölkəmizdə seçkilərdən sonra hakimiyyətə gələn liderlər ilk xarici səfərlərini KKTC və Azərbaycana edirdilər. Ancaq bu dəfə qayda bir dəfə dəyişə bilər; çünki prezident Ərdoğanın cümə axşamı Aİ və 20-yə yaxın ölkə liderlərinin qatılacağı Avropa Siyasi Birliyi toplantısı üçün Moldovaya gedəcəyi gözlənilir.
Prezidentin sözçüsü İbrahim Kalın da dünən bu mövzuda açıqlama verib: “Ənənəvi olaraq ilk xaricə səfərlərimiz Kipr və Azərbaycana olur. Amma bu cümə axşamı Moldovanın mərkəzində görüş var. Onun orada iştirak edib-etməyəcəyi hələ məlum deyil. Aİ və 20-yə yaxın ölkə dəvətlidir. Oraya dəvət olunub və liderlərlə görüş ola bilər.”
