“Hər bir futbolçu milli komandaya çağrılmağı arzulayır”
Bu sözləri Veteninfo.az-a açıqlamasında Azərbaycan millisinin yoxlanış təlim-məşqinə dəvət alan “Qəbələ”nin hücumçusu Ülvi İsgəndərov deyib.
24 yaşlı oyunçu yoxlanışdan uğurla keçəcəyinə böyük ümid bəsləyir:
“Milli komandamızın təlim-məşq toplanışına dəvət aldığım üçün şadam. Yoxlanışdan uğurla keçəcəyimə ümidim var.
Hər şey insanın öz əlindədir. Hələki nəsə etməmişəm. Yaxşı işlər görmək üçün çox çalışmaq lazımdır.
Məşqçilərin dediyinə əməl etmək lazımdır. Özümü ən yaxşı tərəfdən göstərməyə çalışacam”.
