Futbol üzrə İngiltərə millisi 57 ildən sonra ilk dəfə bir oyunda 10 qol vurub.
Veteninfo.az-ın məlumatına görə, Qaret Sautgeytin baş məşqçi olduğu komanda 2022-ci il dünya çempionatının seçmə mərhələsində San Marinonu 10:0 hesabı ilə üstələyib.
Britaniyalılar sonuncu dəfə 1964-cü ildə ABŞ yığmasına eyni hesabla qalib gəlib.
Qeyd edək ki, İngiltərə I qrupunu 26 xalla birinci pillədə bitirib və DÇ-2022-nin final mərhələsinə vəsiqə qazanıb.
