İslam İnqilabı Keşikçiləri Korpusu (İİKK) ABŞ prezidenti Donald Trampın BMT Baş Assambleyasındakı çıxışı zamanı İranı məhv etməklə hədələməsindən sonra ABŞ-ı yeni hücumlardan çəkinməyə çağırıb. Vətəninfo.az xəbər verir ki, Press TV İİKK-nın sözçüsü Hüseyn Mohebbinin sözlərinə istinadən bildirib ki, “Tramp əvvəllər də təhdid etdiyini, lakin təhdidlərini yerinə yetirə bilmədiyini unudur və indi yenidən yeni təhdidlər irəli sürür”.
O, Vaşinqtonun bu cür hərəkətlərə əl atacağı təqdirdə “uğursuzluqdan başqa bir şeyə” nail olmayacağını vurğuladı.
İran Silahlı Qüvvələrinin Baş Qərargahı həmçinin Tehranın “daha qəddar, sarsıdıcı və gözlənilməz” zərbələr endirəcəyi barədə xəbərdarlıq edib. O, ABŞ-ın “əsassız ittiham və təhdidləri” təkrarlamasına güc əlaməti kimi baxılmamalı olduğunu qeyd edib.
Bundan əlavə, İranın dövlətə məxsus Tasnim xəbər agentliyinin verdiyi məlumata görə, İslam Respublikası Parlamentinin sədri Məhəmməd Baqer Qalibaf İranın təslim olmayacağını və ABŞ-ın təzyiqi altında fəaliyyətini dayandırmayacağını bildirib.
Sentyabrın 22-də BMT Baş Assambleyasında çıxış edən ABŞ prezidenti bir seçim qarşısında olduğunu bəyan etdi: İranla razılaşmaq və ya ölkəni məhv etmək.
