Fransanın PSJ klubunun futbolçusu Kilian Mbappe komanda yoldaşı Lionel Messinin rekordunu təkrarlayıb.
Hücumçu buna “Renn”i 1:0 hesabı ilə məğlub etdikləri Liqa 1-in XXIV tur oyununda nail olub.
Paris təmsilçisinə qələbə qazandıran fransalı forvard yerli çempionatda 119-cu qoluna imza atıb. Beləliklə, Mbappe 24 yaşadək Avropanın top-5 liqasında XXI əsrdə ən çox qol vuran iki oyunçudan biridir.
Qeyd edək ki, Kilian Mbappenin dekabrın 20-də 24 yaşı tamam olacaq. Hücumçunun PSJ ilə müqaviləsi mövsümün sonunda başa çatacaq.
