“Qarabağ”ın Fransada “Marsel”ə qarşı keçirəcəyi UEFA Konfrans Liqasının pley-off mərhələsinin ilk oyununda anşlaq olacaq.
Veteninfo.az-ın məlumatına görə, qarşılaşma üçün nəzərdə tutulan biletlərin əksəriyyəti satılıb.
15 avroya satışa çıxarılmış 5-ci kateqoriya biletləri tükənib. Satışda yalnız 20 avro, 25 avro, 29 avro və 39 avroya olan biletlər qalıb.
Qeyd edək ki, fevralın 17-də oynanılacaq “Marsel” – “Qarabağ” qarşılaşması Bakı vaxtı ilə saat 00:00-da başlayacaq. Cavab matçı bir həftə sonra Bakıda olacaq.
