Məşhur “Breaking Bad” serialında Uolter Uaytın oğlu Uolter Uayt kiçik obrazı ilə tanınan amerikalı aktyor RJ Mitte-nin 34 yaşında vəfat edib.
Vətəninfo.az xəbər verir ki, aktyor Texas ştatının Braunsvill şəhərindəki evində dünyasını dəyişib.
Məlumatda bildirilir ki, Braunsvill Polis Departamenti aktyorun ölüm səbəbinin hələ müəyyənləşdirilmədiyini, araşdırmanın davam etdiyini və hadisə ilə bağlı şübhəli halın qeydə alınmadığını açıqlayıb. Kameron dairəsinin rəsmisi Sindi Hinojosa isə aktyorun ölümünün oktyabrın 12-də qeydə alındığını və meyitin yarılmasının nəzərdə tutulduğunu bildirib.
Serebral ifliclə yaşayan RJ Mitte “Breaking Bad” serialındakı rolunun təbiiliyi ilə diqqət çəkib. O, aktyorluq fəaliyyəti ilə yanaşı, əlilliyi olan insanların hüquqlarının müdafiəsi və onların mediada daha düzgün təmsil olunması istiqamətində də çalışıb.
Serialda onun atası Uolter Uayt obrazını canlandıran Brayan Kranstonun aktyorla bağlı vida paylaşımı etdiyi də bildirilir. Serialın digər aktyorları Aaron Pol və Din Norris də onunla bağlı kədərli fikirlərini ifadə ediblər.
RJ Mitte “Breaking Bad”dən başqa, “Hannah Montana”, “Switched at Birth” və “Talking to Strangers” kimi layihələrdə də rol alıb.
