image-4backend

“Sumqayıt” klubu AFFA İntizam Komitəsinin qərarından narazıdır

image-reklam_sirab_01

“Sumqayıt” klubu AFFA İntizam Komitəsinin futbolçu Murad Xaçayevə tətbiq etdiyi 5 oyunluq cəza ilə bağlı apellyasiyaya müraciət edəcək.

Bu barədə “Report”a “gənclik şəhəri” təmsilçisinin Mətbuat Xidmətindən məlumat verilib.

Klub qərarın həddindən artıq ağır olduğunu hesab edib: “Murad Xaçayev Azərbaycan millisinin də futbolçusudur. Ümid edirik ki, apellyasiya şikayətindən sonra qərarda yumşalma olacaq”.

Qeyd edək ki, Murad Xaçayev “səfərdə “Sabah” komandasına 0:3 hesabı ilə uduzduqları Azərbaycan Premyer Liqasının VIII tur matçında “aqressiv hərəkət”ə görə birbaşa qırmızı vərəqə alaraq meydançadan kənarlaşdırılıb. Ona 5 oyun cəza, klubuna 4000 manat cərimə kəsilib. Oyunsonrası mətbuat konfransında isə “Sumqayıt”ın baş məşqçisi Ayxan Abbasov hakimin idarəçiliyinə qarşı qeyri-etik ifadələr işlədib. Bu səbəbdən, klub 1600 manat ziyana düşüb.

image-reklam_opel_02

  • whatsapp
  • messenger
  • telegram
  • vkontakte
  • odnoklassniki