Türkiyə “Tayfun” ballistik raketinin ikinci sınaq buraxılışını həyata keçirib. Vətəninfo.az xəbər verir ki, bu barədə Türkiyənin Müdafiə Sənayesi İdarəsinin rəhbəri İsmayıl Dəmir Tvitter hesabında məlumat verib.
Türkiyə administrasiyasının Müdafiə Sənayesi İdarəsinin dəstəyi ilə Roketsan tərəfindən hazırlanan raket mayın 23-də Qara dənizdəki Rizə-Artvin aerodromundan buraxılıb.
Qeyd edək ki, “Tayfun” raketinin ilk buraxılışı ötən il oktyabrın 18-də həmin ərazidən həyata keçirilib. “Tayfun” raketinin tezliklə Türkiyə Silahlı Qüvvələrində xidmətə girəcəyi gözlənilir.
