ABŞ prezidenti Donald Tramp Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyevin “Newsmax” telekanalına verdiyi müsahibəni özünə məxsus “Truth Social” sosial şəbəkəsində paylaşıb.
Vətəninfo.az-ın xəbərinə görə, müsahibədə Hikmət Hacıyev bildirib ki, Trampın Azərbaycan və Ermənistan arasında illərdir davam edən münaqişənin tənzimlənməsi istiqamətində göstərdiyi səylər Cənubi Qafqazdakı strateji vəziyyətə təsir göstərib və ABŞ ilə Azərbaycan arasındakı münasibətlərdə yeni bir səhifə açıb.
O qeyd edib ki, beynəlxalq diplomatiyanın uzun illər ərzində nail ola bilmədiyi nəticə məhz Trampın sayəsində əldə olunub.
