Hazırda ABŞ İranla nüvə sazişi üzrə danışıqlar aparmır.
Vətəninfo.az xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib.
“Əgər onlar [İran hakimiyyəti] nüvə gərginliyini azaltmaq üçün addımlar atmağa başlasalar, bu, region üçün, bizim [ABŞ] və milli maraqlarımız üçün yaxşı olardı… Kirbi Fox News-a müsahibəsində bildirib.
Onun sözlərinə görə, hazırda İran razılaşmasına qayıtmaq ABŞ-ın prioritet məsələlərindən biri deyil.
Kirbi əlavə edib ki, Vaşinqton Tehranla əlaqə saxlayır, lakin bu əlaqələr İranda saxlanılan amerikalıların ABŞ-a qaytarılması cəhdləri ilə bağlıdır.
