Qərbi Afrika İqtisadi Birliyinin (ECOWAS) dövlət başçıları Nigerdə ”mümkün qədər tez” hərbi əməliyyata başlamaq barədə razılığa gəliblər.
Vətəninfo.az xəbər verir ki, bu barədə Kot-d’İvuarın prezidenti Alassan Uattara assosiasiyanın sammitinin keçirildiyi Abucadan qayıtdıqdan sonra məlumat verib.
“Daha bir neçə görüş keçirəcəyik, lakin biz [ECOWAS ölkələrinin] dövlət başçıları arasında əməliyyata ən qısa zamanda başlamaq barədə razılığa gəldik”, – Kot-d’İvuar prezidentinin sözlərindən sitat gətirilib. France-Presse.
Xatırladaq ki, Nigerdə baş verən silahlı çevriliş nəticəsində həmin ölkənin hərbi rəsmiləri hazırkı prezidenti və ailəsini həbs edib və dünən yeni keçid hökuməti qurduqlarını bəyan ediblər.
