image-settar-veteninfobackend

AHİK-sın və Səttar Mehbalıyevi kimlər hədəfə çevirmək istəyir?

image-reklam_sirab_01

Son günlər bəzi media orqanlarda Azərbaycan Həmkarlar İttifaqları Konfederasiyasını (AHİK) və AHİK-nın sədri,millət vəkili Səttar Mehbalıyevin ünvanına olmazın hədyanlar,həqiqətlə hər hansı bir şəkildə bağdaşmayan fikirlər səslənməkdədir. İddalara görə, AHİK-sı “Korrupsiyada öndə gedən, şəhid ailəsi və qazi görəndə isə “gizlənən” qurum”-du.

İlk olaraq qeyd edim ki,  AHİK-in sədri,millət vəkili Səttar Mehbalıyev 1-ci Qarabağ  müharibəsində qəhramancasına şəhid olan “Azərbaycan bayrağı” ordenli Əhməd mehbalıyevin qardaşıdır. Yəni qardaşı Vətən yolunda şəhid olan biri,şəhid qardaşı ilə Vətən uğrunda canından keçərək Qazi olan şəxslərə qarşı bu və ya digər şəkildə hansısa haqsızlığı göstərə bilməz.Bunu bəziləri o başlarının boş bir hissəsinə yazsalar daha yaxşı olar. Digər bir tərəfdən bir neçə il öncə  baş verən hadisəyə gəlincə isə,bununla bağlı bütün sübutlar var və toy xoruzu kimi ad çıxaran məlum şəxsin diqtəsi ilə baş verdiyi məlum olmuşdu.Səttar Mehbalıyev də həmin  mərhum qazi ilə bir neçə dəfə görüşərək toy xoruzunun oyunlarına getməməyi bildirmişdi.Yəni məsələnin üstünün açıldığını görəndə,adının adını belə dilə gətirməyi özümə rəva bilmədiyim zat,qazi qardaşımızı yoldan çıxararaq onun AHİK-nın binası qarşısında özünü yandırmasına rəvac vermişdi.

Amma AHİK-sı o qazinin ailəsinin  qəyyumluğa götürmüş,övladlarının hər birinə 18 yaşa çatana kimi 500 manat təqaüd ayırmışdı.

Bu bilib-bilmədiklərinizə cavab.

 

Gələk AHİK-nı ittiham etdiyiniz sosial layhələrə.İddia edirsiniz ki,AHİK-sı hansısa layhələr həyata keçirmir?

Respublikada sosial layihələrin icrası dövlətin, o cümlədən Azərbaycan Prezidenti İlham Əliyevin və Birinci vitse-prezident Mehriban xanım Əliyevanın daim diqqət mərkəzində olub. Bütün bayramlarda və əlamətdar günlərdə aztəminatlı, şəhid, qazi və digər həssas qruplardan olan ailələrə hədiyyələr, sovqatlar, yardımlar paylanılır.

Azərbaycan Həmkarlar İttifaqları Konfederasiyası (AHİK) da prezident cənab İlham Əliyevin tövsiyələrinə uyğun olaraq, bu növ sosial təşəbbüslərə qoşularaq bütün tədbirlərdə yaxından iştirak edir. Belə ki, cari ilin mart ayında AHİK-in İcraiyyə Komitəsinin qərarı ilə respublikanın regionlarında yaşayan 3900 aztəminatlı ailəyə ərzaq bağlamaları paylanılıb. Eyni zamanda İcraiyyə Komitəsinin 2021-ci ilin aprelin 30-da keçirilən iclasında ümummilli lider Heydər Əliyevin anadan olmasının 98-ci ildönümü münasibətilə və ölkə Prezidenti İlham Əliyevin aztəminatlı, şəhid və qazi ailələrinin sosial problemlərinin həlli istiqamətində həyata keçirdiyi tədbirlərə müvafiq olaraq bu kateqoriyaya aid olan ailələrə sovqat paylanması qərara alınıb.
Qəbul edilmiş qərara əsasən,  mayın 8-də 76 şəhər və rayonu əhatə edən 4000 ailəyə maşın karvanı ilə ərzaq bağlamaları göndərilib. Həmçinin Naxçıvan Muxtar Respublikasında yaşayan 1000 aztəminatlı ailəyə ərzaq yardımı paylanılıb.
Ümumilikdə 2020-ci ildən bu günə kimi AHİK və onun üzv təşkilatları tərəfindən pandemiya və Vətən müharibəsi ilə əlaqədar 12 milyon manata yaxın vəsait xərclənib. O cümlədən pandemiya ilə əlaqədar AHİK və üzv təşkilatları tərəfindən göstərilən maddi yardımlar 7.167.749 manat təşkil edib. Bu məqsədlə Heydər Əliyev Fondunun “Regional İnkişaf” İctimai Birliyinə 705.000 manat, Koronavirusla Mübarizəyə Dəstək Fonduna 458.920 manat, Naxçıvan Muxtar Respublikasında Koronavirusla Mubarizəyə Dəstək üçün 210000 manat vəsait köçürülüb, karantin rejimində istifadə edilməsi üçün həmkarlar ittifaqı təşkilatları üzvlərinə 936.628 manatlıq qoruyucu vasitələr paylanılıb, 55.756 aztəminatlı ailəyə 1.617.825 manatlıq yardım edilib, həmçinin 2020-ci il aprelin 29-da 76 şəhər və rayonda yaşayan 3900 ailəyə ərzaq sovqatı paylanılıb. Yaşı 65-dən çox olan 49.339 nəfər ehtiyac sahiblərinə, imkansız həmkarlar ittifaqı üzvlərinə 3.239.375 manat məbləğində maddi yardım göstərilib. Eyni zamanda Azərbaycan həmkarlar ittifaqları Vətən müharibəsi ilə əlaqədar 4.254.207 manat vəsait, bu vəsaitdən “Qarabağa Dirçəliş Fonduna” 600.000 manat, “Yaşat” və Silahli Qüvvələrə Yardım Fonduna 1.543.625 manat, o cumlədən AHİK tərəfindən 800.000 manat (Silahlı Qüvvələrə yardım Fonduna 350.000 manat, “Yaşat” Fonduna 300.000 manat, Naxçıvan Muxtar Respublikasına 150.000 manat) vəsait köçürülüb. Əsgər və zabitlərin tələbatlarının və digər məsələlərin ödənilməsi üçün 1.860.582 manat xərclənib, şəhid ailələrinə yardım edilməsi məqsədilə isə Naxçıvan Muxtar Respublikası Həmkarlar İttifaqları Şurasına 150.000 manat vəsait köçürülüb.
Həmçinin 139 şəhid ailəsi Azərbaycan həmkarlar ittifaqları tərəfindən himayəyə götürülüb və 18 yaşına kimi hər ay onlara maddi yardım göstəriləcək. Bunlarla yanaşı, Azərbaycan Respublikasının Əmək və Əhalinin Sosial Müdafiəsi Nazirliyi və Azərbaycan Həmkarlar İttifaqları Konfederasiyası arasında həssas əhali qruplarının özünüməşğulluğunun təşkilinə köməklik göstərilməsi məqsədilə əməkdaşlığa dair Memoranduma müvafiq olaraq 200.000 manat vəsait ayrılıb. Bununla da qeyd olunan dövr ərzində 200 minə yaxın vətəndaşlarımıza bu və digər formada maddi yardımlar göstərilmişdir. Bu qəbildən olan sosial tədbirlər bundan sonra da davam etdiriləcəkdir.

Yəqin ki,yuxarıda sadaladıqlarım “AHİK-sı  Korrupsiyada öndə gedən, şəhid ailəsi və qazi görəndə isə “gizlənən” qurum”dur başlıqlı qəlamunçuluğunuza  tutarlı bir cavabdır.

Ən azından ittihamlar irəli sürmədən  bir qədər araşdırın. Səttar Mehbalıyevi qaralamaq,onun haqqında kimlərinsə diqtəsi ilə cızma-qara edəndə bir qədər əlinizi vicdanınızın üstünə qoyun.

 

Nahid Canbaxışlı

 


  • whatsapp
  • messenger
  • telegram
  • vkontakte
  • odnoklassniki