Bu gün, iyunun 14-də “Zəngəzuri dəhlizi” ilə bağlı sualı cavablandıran Türkiyə prezidenti Rəcəb Tayyib Ərdoğan bildirib ki, dəhlizə qarşı olan Ermənistan deyil, İrandır.
“İranın bu məsələdə yanaşması bizi və Azərbaycanı məyus edir. Arzu edirəm ki, tezliklə bu problemin öhdəsindən gələ biləcəyik. Əgər İran müsbət yanaşarsa, Türkiyə, İran və Azərbaycan bir-biri ilə əlaqə quracaq və quru və dəmir yolu ilə Pekin-London marşrutumuz ola bilər”, – deyə Ərdoğan bildirib.
Vətəninfo.az erməni mediasına istinadən xəbər verir ki, Türkiyə prezidentinin açıqlamasına Ermənistan Xarici İşlər naziri Ararat Mirzoyan münasibət bildirib: “İranın mövqeyi bizim üçün çox əhəmiyyətli deyil. Biz dövlət olaraq bu dəhlizin açılmasında maraqlıyıq. İnanıram ki, tezliklə bu dəhliz açılacaq “.
