Sankt-Peterburq limanının gömrükçüləri gömrük məntəqəsinə gələn 10 soyuducu yük maşınının birində bananda 50 kq kokain aşkar ediblər. Federal Gömrük Xidmətinin məlumatına görə, onun qara bazarda təxmini dəyəri 450 milyon rublu ötür.
Sənədlərə əsasən, yüklər müxtəlif dəniz gəmiləri ilə Afrika qitəsi ölkələrindən Avropa vasitəsilə Özbəkistana tranzit edilib. Gömrük əməkdaşları tərəfindən narkotik vasitə yoxlama kompleksinin köməyi ilə konteynerə baxış zamanı aşkar edilib. Müfəttiş soyuducu qurğunun gizli boşluğunda monitorda yad əşyalar görüb.
Baxış nəticəsində soyuducunun qəlibinin altından ağ toz plyonka ilə qablaşdırılan 50 ədəd briket çıxarılıb. Ekspertin rəyinə görə, müsadirə olunan maddə narkotik vasitə hesab edilən kokaindir.
