Prezident seçkilərinin ikinci turunda qalib gələn Türkiyə prezidenti Rəcəb Tayyib Ərdoğanın andiçmə mərasimi və yeni Nazirlər Kabinetinin açıqlanması iyunun 3-də baş tuta bilər.
Vətəninfo.az xəbər verir ki, bu barədə TASS Ankaradakı mənbəyə istinadən məlumat yayıb. “Biz güman edirik ki, Ali Seçki Komissiyası iyunun 1-də prezident seçkilərinin yekun nəticələrini açıqlaya bilər.
Daha sonra iyunun 3-də prezident Ərdoğan parlamentdə and içəcək.
Həmin gün prezident kompleksində prezidentin andiçmə mərasimi keçiriləcək. Mərasimdən sonra o, yeni Nazirlər Kabinetinin tərkibini açıqlayacaq”, – mənbə bildirib.
Ərdoğanın andiçmə mərasimindən sonra yenidən seçildikdən sonra ilk xarici səfərlərini Şimali Kipr Türk Respublikasına və Azərbaycana edəcəyi gözlənilir.
