“Azərbaycanın Qarabağ iqtisadi rayonunun rus sülhməramlıların müvəqqəti məsuliyyət zonasında fəaliyyət göstərməyə çalışan erməni separatçıları guya “blokada”da olduqları üçün “humanitar fəlakət” yarandığı yalanlarının ifşa olunmasından dərin narahatlıq keçirir. Bu barədə separatçı “parlamentinin” “mətbuat katibi” Anuş Qavalyan bildirib. Ermənilərin bu yalanlarına hərbi ekspert Ədalət Verdiyev maraqlı reaksiya verib.
Hərbi ekspert hesab edir ki, ermənilər özləri də bu yalançı cığır-bağırlarının fayda verməyəcəyinə əmindirlər.
“Görünən odur ki, Qavalyan yalançı hay-küylərini ifşa edən, əsl reallıqları göstərən, ermənilərin rəqs, qonaqlıqlar, restoranlarda bütün nemətlərin olduğu yüksəksəviyyəli xidmətləri əks etdirən görüntüləri paylaşmamağı xahiş edib. Onun sözlərinə görə, bu videolardan “Azərbaycan təbliğat maşını fəal şəkildə istifadə edir: “Toyların və digər gözəl tədbirlərin videoları ruhlandırıcıdır, güc və iradə nümayiş etdirir, lakin lütfən, dəbdəbəli həyatla əlaqəli videoları paylaşmaqdan çəkinin”. İndi görünən odur ki, ermənilər özləri özlərini ifşa edirlər.