Fransanı İtaliya ilə birləşdirən tunelin yaxınlığında polislə etirazçılar arasında qızğın toqquşmalar olub. Vətəninfo.az CNN istinadən xəbər verir ki, şənbə günü Fransa və İtaliyanı birləşdirən Alp dəmir yolu tunelinin tikintisində baş verən qarşıdurmalarda onlarla polis əməkdaşı və bir neçə etirazçı yaralanıb. Fransa daxili işlər naziri Gerard Darmanen bildirib ki, Fransanın Lion şəhərini İtaliyanın Turini ilə birləşdirəcək 57 km-lik tunelin tikintisi layihəsinə etiraz edən 3000-dən çox insanla mübarizə aparmaq üçün hadisə yerinə 2000-ə yaxın polis göndərilib. Nümayişlərə çağırışı “Yer üzünün üsyanları” təşkilatı edib. Gözyaşardıcı qazdan istifadə və etirazçıların magistral yolu bağlamaq cəhdləri də daxil olmaqla qızğın toqquşmalar 2017-ci ildə Fransa və İtaliyanın razılaşdırdığı və qismən Aİ tərəfindən maliyyələşdirilən tunel tikintisi layihəsi ilə bağlı müzakirələri yenidən alovlandırdı. Aksiyada radikal solçu “Fəth olunmamış Fransa” partiyasının bir neçə rəsmisi iştirak edib. Fransa hökumətinin fikrincə, yüksəksürətli dəmir yolu ilə yeni tunel Lion və Turin arasındakı yolda sərf olunan vaxtı iki dəfə azalda bilər, həmçinin Paris və Milan arasında səyahət vaxtını əhəmiyyətli dərəcədə azalda bilər. Layihənin əleyhdarları, öz növbəsində, ətraf mühitə potensial zərərdən narahatdırlar və mövcud qatarların daha yavaş olsa da, tələbatı ödəyə biləcəyini deyirlər.
Fransada nümayişçilərlə polis arasında şiddətli toqquşma
