İspaniyada keçirilən parlament seçkilərində mühafizəkarlar qalib gəlib. Vətəninfo.az xəbər verir ki, bu barədə “Reuters” exit-poll-a istinadən yazır.
Mühafizəkar “Xalq Partiyası” mandatların 42,86%-ni (350 mandatdan 150-yə qədər) əldə edə və ifrat sağçı “Vox” partiyası ilə koalisiya yarada bilər, bu halda exit-poll 31 mandat vəd edir. Beləliklə, bu iki siyasi qüvvə birlikdə 51,71 faiz çoxluğa sahib olacaq.
El Pais-in məlumatına görə, indiyədək səslərin demək olar ki, 60%-i hesablanıb. Buna əsasən, hazırda “Xalq Partiyası”nın 131 mandatı var (onlar yarışa liderlik edirlər), “Vox”un 33 mandatı var və ümumilikdə 3-cüdür.
İki partiyanın birləşib-birləşməyəcəyi hələlik məlum deyil. Amma bu baş verərsə, diktator Fransisko Frankonun ölümündən sonra ilk dəfə olaraq ifrat sağçılar hökumətə daxil olacaqlar (İspaniyada solçu kabinet indi hakimiyyətdədir).
Xalq Partiyası və Vox İspaniyadan qeyri-qanuni miqrantları qovmağı, transgender hüquqları ilə bağlı qanunları ləğv etməyi və hazırkı Baş nazir Sançesin hökuməti tərəfindən görülən iqlimin qorunması tədbirlərini geri götürməyi vəd ediblər.
