Moskva səfərindən əvvəl Ermənistanda Paşinyan-Putin görüşündən sonra nə gözlənildiyinə dair müxtəlif versiyalar irəli sürülürdü. Versiyalarda qeyd olunur ki, bu görüşdə Ermənistan-Azərbaycan sərhədinin demarkasiya və delimitasiya prosesinin başlama müddəti müəyyənləşdiriləcək, bundan başqa rus sülhməramlıların Ermənistan-Azərbaycan sərhədində yerləşdirilməsi məsələsi, Sünik dəhlizinin inşası məsələsi, blokadadan çıxarma və s. müzakirə olunacaq.
Paşinyan-Putin görüşündə bu məsələlərə və hər hansı birinə açıq şəkildə toxunuş olmasa da, Putinin Paşinyana yönəlmiş müəmmalı təbrikindən bir gün sonra Ermənistandakı hadisələr görüşün təhlükəli gündəmini ortaya qoyur. Ermənistanın Baş naziri vəzifəsinin müavəqqəti icraçısı Nikol Paşinyanla Moskvada seçkidən sonrakı ilk görüşdə Rusiya prezidenti Putin parlament seçkisində qazandığı qələbə münasibətilə onu təbrik edib.
“Həll edilməsi lazım olan kəskin və həssas məsələləri nəzərə alaraq düşünürəm ki, bu, hamı, ilk növbədə Ermənistan, erməni xalqı üçün vacibdir, bunları həll etmək isə yalnız effektiv işi təmin etmək vasitəsilə mümkündür. Buna görə də xalqın etimadına sahib olmaq vacibdir və siz buna sahibsiniz. Seçkilərin nəticələri bunu göstərdi. Ölkə üçün bənzər çətin anlarda bu, gələcək inkişaf üçün ən vacib məsələdir, buna görə də səmimi şəkildə sizi təbrik edirəm. Ümid edirəm ki, bu gün rəsmi və qeyri-rəsmi işgüzar nahar ətrafında son dövrdə ətraflı şəkildə müzakirə etdiyimiz və həllə ehtiyac duyan bütün məsələrlə bağlı danışa biləcəyik”, – Putin deyib.
Maraqlıdır, həll edilməsi lazım olan və bunlara görə Paşinyanın ictimai etimadının vacib olduğu kəskin və həssas suallar hansıdır? Üstəlik, Putinin sözündə kifayət qədər şəffafdır ki, indi, seçkinin keçdiyi və Paşinyanın ictimai etimad qazandığı bir dövrdə artıq bunları müzakirə etməyin və qərarlar qəbul etməyin zamanıdır.
“Hayeli”m nəşri yazır ki, Ermənistana qayıdan kimi Nikol Paşinyanın addımları bəladan xəbər verən dipnotları qeyd etdi.
“Hakimiyyət geniş təkanla Sünikin icma başçılarına qarşı siyasi təqibi davam etdirdi, Gorusun icma başçılarından başqa Kacaran icmasının rəisi də hədəfə götürüldü, onun evini səhər tezdəndən axtarmağa başladılar, Vahe Hakobyana məxsus olan mis-molibden zavodunda yoxlamalara başladılar, həbslər oldu, Karahunc icmasının rəisi həbs edildi.
Bu isə o deməkdir ki, Süniklə bağlı planı həyata keçirməyin zamanı gəlib, lakin buna qədər ərazi üsyankar xadimlərdən “çistka” edilir. Növbəti addım da sübut edir ki, Tavuş vilayətindəki anklavları təhvil vermək məsələsi də alternativə malik deyil. Armen Sarkisyan Qriqori Xaçaturovu 3-cü ordu korpusunun komandiri vəzifəsindən azad etmək haqqında sərəncam imzalayıb.
Qriqori Xaçaturov Silahlı Qüvvələrin keçmiş Baş Qərargah rəisi Yuri Xaçaturovun oğludur, demək olar noyabrın 9-dan sonra Nikol Paşinyanın istefası tələbinə qoşulmuş və bu barədə bir neçə bəyanat vermiş əvəzolunmaz komandirdir. Aydındır ki, Xaçaturovu Tavuş korpusunun komandanlığından məhrum edərək əslində Paşinyanın öz qara işini asanlıqla görməsi üçün müqaviməti də qırırlar.
Ümumiyyətlə Rusiyadan qayıdan kimi Paşinyan parlamentkənar qüvvələri qəbul etmək-təhvil vermək işinə keçib. Bu, daha bir sübutdur ki, o, sahədə klonsultasiya yaratmağa, hər kəsi öz ərazisində özünəməxsus şəkildə saxlamağa çalışır ki, həssas məsələlərin həlli zamanı daxili siyasi sahəni barbarlıqlardan mümkün qədər uzaq saxlasın”, – deyə nəşr qeyd edib.
İstinad: Ordu.az
