“Artıq Rusiya ordusunda çaxnaşma var. Ordu qüvvələri birir-biri ilə döyüşür. “Vaqner” özəl hərbi kompaniyasının Baxmutdan geri çəkilmə yolunu minalaryan rus ordusunun sərxoş polkovni- leytenantı məhz vaqnercilər tərəfindən əsir götürülüb.”- Vətəninfo.az-a açıqlamasında bu fikirləri hərbi ekspert Ədalət Verdiyev bildirib.
Hərbi ekspert hesab edir ki, bu çaxnaşma rus ordusuna yaxşı heç nə vəd etmir.
“Rus zabitin ruslar tərəfindən əsir götürülməsi və ictimaiyyətə belə bir biabırçı vəziyyətdə təqdim edilməsi ilk dəfədir ki, baş verir. Bu fakt rus ordusunda real vəziyyətinin nə qədər bərbad olduğunu nümayiş etdirir.”- deyə ekspert bildirib.
