“Sosial şəbəkələrdə Yevgeni Priqojinin adından Rusiya Müdafiə Nazirliyinin “Vaqner”in arxa düşərgələrinə hücumu ilə bağlı yayılan bütün mesajlar və videolar həqiqətə uyğun gəlmir və informasiya təxribatıdır “– Vətəninfo.az xəbər verir ki, Rusiya Müdafiə Nazirliyi bu barədə məlumat yayıb.
Rusiya Federasiyası Silahlı Qüvvələri xüsusi hərbi əməliyyat çərçivəsində Ukrayna Silahlı Qüvvələri ilə təmas xəttində döyüş tapşırıqlarını yerinə yetirməkdə davam edir, mesajda deyilir.
Xatırladaq ki, “Vaqner” özəl hərbi şirkətinin rəhbəri Yevgeni Priqojin Rusiya Müdafiə Nazirliyinin yüksək rütbəli məmurlarının Rusiya prezidenti Vladimir Putinə yalan danışdığını bildirən videomüsahibə yayıb. 2014-2022-ci illərdə Donbas prezidentin administrasiyası, xüsusi xidmət orqanları, eləcə də oliqarxlar tərəfindən bölünüb.
“Rusiya Federasiyasının Müdafiə Nazirliyi ictimaiyyəti aldatmağa, prezidenti aldatmağa və belə bir hekayə uydurmağa çalışır ki, Ukrayna tərəfindən sərsəm aqressiya olub və onlar bütün NATO bloku ilə bizə hücum etmək niyyətindədirlər”. “Vaqner”in rəhbəri müsahibəsində bildirib.
O, əlavə edib ki, “xüsusi əməliyyat” tamam başqa səbəblərdən başlayıb. Onun sözlərinə görə, müharibə Rusiya Federasiyasının müdafiə naziri Şoyqunun marşal rütbəsi alması üçün lazım idi.
“Ukrayna silahlı qüvvələri uğurla hücum edir, lakin Rusiya ordusunda idarəetmə yoxdur”, – o vurğulayıb.
