İran ABŞ-ı ölkəyə qarşı hər hansı yeni hücumun bölgədəki Amerika hərbi bazalarına və obyektlərinə uzunmüddətli zərbələr endirəcəyi barədə xəbərdar edib.
Vətəninfo.az xəbər verir ki, İran silahlı qüvvələrinin əməliyyat komandanlığını birləşdirən Xatəm əl-Ənbiya Mərkəzi Qərargahı müvafiq açıqlama verib .
Qərargahın açıqlamasında deyilir: “Əgər ABŞ İran İslam Respublikasına qarşı hər hansı bir səhv edərsə, onun bölgədəki bütün mövqeləri və maraqları heç bir məhdudiyyət və ya qeyd-şərt olmadan uzunmüddətli, təsirli və ağrılı zərbələrin hədəfinə çevriləcək”.
İran ordusu həmçinin ABŞ-a İrana qarşı mümkün hərəkətlər üçün dəstək verə biləcək regional ölkələrə xəbərdarlıq edib. Bəyanata görə, Tehran bu cür dəstəyi təcavüzdə iştirak kimi qiymətləndirəcək və bundan sonra bu ölkələr “İran silahlı qüvvələrinin təmkininə arxalana bilməyəcəklər”.
Bəyanatda qeyd olunur ki, ABŞ bəzi regional ölkələrin dəstəyi ilə İrana qarşı əməliyyatları bərpa etməyə hazırlaşır. İran tərəfi bu planları bir neçə dövlətin nümayəndələrinin bu yaxınlarda Avropa ölkəsində keçirilən görüşü ilə əlaqələndirib.
Bu xəbərdarlıq İran hərbi rəhbərliyinin daha bir açıqlamasına çevrilib. Sentyabrın əvvəlində Xatəm əl-Ənbiya Mərkəzi Qərargahı artıq elan etmişdi ki, Amerika hücumları davam edərsə, İranın cavabı daha geniş və dağıdıcı olacaq.
