Ukrayna prezidenti Vladimir Zelenski müdafiə naziri Aleksey Reznikovun istefaya getməsi ehtimalını yenidən nəzərdən keçirir.
Vətəninfo.az “Ukrainskaya pravda”ya istinadən xəbər verir ki, yeni nazir vəzifəsinə iki namizəd nəzərdən keçirilir.
“Birincisi Ukraynanın baş nazirinin müavini və yenidənqurma naziri Aleksandr Kubrakov, ikincisi Ukraynanın strateji sənaye naziri Aleksandr Kamişindir”, – nəşr hökumətin məlumatlı mənbələrinə istinadən yazır.
O da qeyd olunur ki, Reznikov Böyük Britaniyada səfir olmağın əleyhinə deyil. Belə bir perspektivin həqiqətən nəzərdən keçirilib-keçirilmədiyi nəşrə məlum deyil.
