Ötən axşam saatlarında Xızı rayonunun Xəl kəndi ərazisində başlayan yanğın Siyəzən rayonunun sahələrinə də keçib. Siyəzənin Zarat kəndinin dağlıq massivində də güclü yanğın başlayıb.
FHN-nin əməkdaşları dərhal alovun səngiməsi işlərinə start verib.
Xızı tərəfdən yanğın ocağına FHN-nin yanğınsöndürən avtomobilləri çıxa bilmədiyindən canlı qüvvələr Siyəzən ərazisinə yönəldilib.
Siyəzən icra hakimiyyətindən verilən məlumata görə, yanğın yerində FHN-nin Xızı və Siyəzən rayonlarının 4 yanğınsöndürən avtomobili və canlı qüvvəsi işləyib. Ümumilikdə hər iki rayon üzrə dağlıq massivdə 70 hektar kol-kos, quru ot sahəsi yanıb. Yanğının baş vermə səbəbi araşdırılır.
