ABŞ-ın İsraildəki səfiri Mayk Hakabi və ABŞ-ın Livandakı səfiri Mişel İssa yəhudi dövləti ilə Livan Respublikası arasındakı münaqişənin həllində irəliləyişi müzakirə etmək üçün İsrailin Baş naziri Benyamin Netanyahu ilə görüşüblər.
Vətəninfo.az xəbər verir ki, Hakabi özünün X səhifəsində yazıb: “Mən İsrailin Baş naziri və ABŞ-ın Livandakı səfiri Mişel İssa ilə ABŞ-ın sponsorluğu ilə İsrail və Livan arasında aparılan danışıqların gedişatını müzakirə etmək üçün görüşdüm”.
O əlavə edib ki, ABŞ-ın nöqteyi-nəzərindən nizamlanmaya yeganə maneə Şiə Hizbullah hərəkatı olaraq qalır.
Daha əvvəl Əl-Cəzirə ABŞ mənbələrinə istinadən Livan və İsrail arasında yeni danışıqlar raundunun sentyabrın əvvəlində Romada keçiriləcəyini bildirmişdi. Əl-Mayadeen həmçinin 4-6 avqust tarixlərində Romada keçirilən yeddinci danışıqlar raundundan sonra Amerika və İsrail tərəflərinin artıq razılaşdırılmış iki sahədə irəliləyiş əldə olunana qədər Livan tərəfindən təklif olunan “sınaq zonalarını” genişləndirməkdən imtina etdiyini bildirmişdi.
