Bu ilin may ayının nəticələrinə əsasən, dünya bazarında “Azeri Light” (CIF) markalı neftin 1 barelinin orta qiyməti 119,07 ABŞ dollarına bərabər olub.
Bu, 2021-ci ilin may ayının eyni göstəricisi ilə müqayisədə 50,72 dollar və ya 74,2% çoxdur.
Cari ilin aprel ayı ilə müqayisədə isə bu ilin mayında Azərbaycan neftinin 1 barelinin orta qiyməti 10,51 dollar (və ya 9,7%) artıb.
Ay ərzində ən yüksək göstərici (mayın – 30-u) 127,48 dollar təşkil edib, ən minimal göstərici isə (mayın – 10-u) 108,77 dollar səviyyəsində olub. Mayda Azərbaycan neftinin qiyməti 16,78 dollar və ya 15,1% artıb.
