İsrail ordusu işğal altındakı İordan çayının qərb sahilinin Cenin şəhərindəki Kubatiye qəsəbəsinə buldozerlərlə basqın edib.
Qəsəbədə partlayış səsləri eşidilərkən İsrail ordusunun buldozerləri də basqına qoşulub.
Fələstinli müqavimətçilər bölgəyə basqın edən İsrail əsgərləri ilə silahlı qarşıdurmada olub.
Qeyd edək ki, daha əvvəl İsrail ordusu işğal altındakı İordan çayının qərb sahilində digər şəhər və qəsəbələrə də basqın edib.
İsrail ordusu noyabrın 27-də işğal altındakı İordan çayının qərb sahilində Tubas şəhəri yaxınlığında yerləşən Əl-Fariya qaçqın düşərgəsinə basqın edib və basqından sonra İsrail əsgərləri ilə fələstinli müqavimətçilər arasında qarşıdurma yaranıb.
İsrail əsgərləri basqın zamanı Əl-Fəriyə qaçqınlar düşərgəsində bir fələstinlini həbs edərkən, hərbi buldozerlər qaçqın düşərgəsinin infrastrukturuna və fələstinlilərin mülklərinə ziyan vurub.
İsrailin Qəzza zolağına hücuma başladığı 7 oktyabr 2023-cü ildən bəri işğal altındakı İordan çayının qərb sahili və Şərqi Qüdsdə fələstinlilərə qarşı həbslər, basqınlar və hücumlarda artım müşahidə olunur.
7 oktyabr 2023-cü il tarixindən etibarən İordan çayının qərb sahilində və Şərqi Qüdsdə nəzarətə alınan fələstinlilərin sayı 11 min 800-ü keçərkən, İsrail əsgərləri və Fələstin torpaqlarını qəsb edən israillilərin hücumları nəticəsində 167-si uşaq olmaqla 794 fələstinli həyatını itirib.
