Rusiya və Azərbaycan prezidentləri Vladimir Putin ilə İlham Əliyev arasında Düşənbədə keçirilən görüş konstruktiv şəkildə başa çatıb və iki ölkə arasında əməkdaşlığın yüksək səviyyəsini nümayiş etdirib.
Vətəninfo.az xəbər verir ki, bu barədə Rusiya Prezidentinin mətbuat katibi Dmitri Peskov brifinqdə bildirib.
“Biz iki lider arasında Düşənbədə baş tutan ikitərəfli görüşün nəticələrini yüksək qiymətləndiririk. Bu, ikitərəfli münasibətlərimizdə birlikdə yeni səhifə açmağımız baxımından çox vacib bir görüş idi”, – Kremlin sözçüsü qeyd edib.
Peskovun sözlərinə görə, liderlər iqtisadi əməkdaşlıq, nəqliyyat və humanitar əlaqələr, həmçinin regional sabitlik daxil olmaqla məsələlərin geniş spektrini müzakirə ediblər.
