image-02-6backend

Nəsimi rayonunda akademik Zərifə xanım Əliyevanın anadan olmasının 100 illik yubileyi ilə əlaqədar qanvermə aksiyası keçirilib.

image-reklam_sirab_01

Azərbaycanda talassemiya və hemofiliyalı xəstələr dövlət qayğısı ilə əhatə olunublar. Ölkəmizdə bu həssas sahə ilə bağlı görülən tədbirlər əhalinin daha sağlam gələcəyinə hesablanıb. Cəmiyyətin diqqətinin bu sosial məsələyə yönləndirilməsi mühüm əhəmiyyət kəsb edir. Qan çatışmazlığı həyatları qandan asılı olan hematoloji xəstələrə mənfi təsir göstərə bilər.
Nəsimi rayon İcra Hakimiyyətinin Yeni Azərbaycan Partiyası Nəsimi rayon təşkilatının təşkilatçılığı ilə Görkəmli oftalmoloq alim, akademik Zərifə xanım Əliyevanın anadan olmasının 100 illik yubileyi ilə əlaqədar Nəsimi rayon İcra Hakimiyyətində qanvermə aksiyası keçirilib.
İrsi və qan xəstəliyi olan insanlara kömək etmək məqsədilə Nəsimi rayonunda keçirilən qanvermə aksiyasında Rayon İcra Hakimiyyəti Başçısı Aparatının və struktur sahələrinin kollektivləri, Yeni Azərbaycan Partiyası Nəsimi rayon təşkilatının üzvləri, həmçinin rayon ərazisində fəaliyyət göstərən müəssisələrin əməkdaşları fəal iştirak ediblər.
Yeni Azərbaycan Partiyası Nəsimi rayon təşkilatının sədri Azər Süleymanov çıxış edərək bildirdi ki, Zərifə xanım Əliyevanın zəngin elmi irsi, oftalmologiyanın müxtəlif sahələri üzrə apardığı tədqiqatlar, qazandığı nailiyyətlər, yaratdığı fundamental əsərlər Azərbaycan tibb elminin tarixinə parlaq səhifələr kimi yazılmışdır. Azərbaycanda traxomanın kökünün kəsilməsinə böyük əmək sərf etmiş, xəstəliyin müxtəlif mərhələlərinin öyrənilməsi və müalicə metodlarının tapılması məqsədi ilə dəyərli elmi tədqiqatlar aparıldığını bildirdi. Azərbaycan müstəqillik əldə etdikdən sonra, xalqımız öz milli dəyərlərinə qovuşdu. Bu gün ölkəmizdə insanlarımız heç bir təmənna güdmədən, könüllü şəkildə belə xeyirxah aksiyalarda iştirak edirlər. Onlar dərk edirlər ki, belə aksiyalarda vermiş olduqları qanla hansısa xəstəni- vətəndaşımızı həyata qaytarmış olurlar.
Milli Hemotologiya və Transfuziologiya Mərkəzi Qan Bankının həkim briqadası bu xeyirxah kompaniyaya qoşulanları lazımi müayinədən keçirdikdən sonra qanvermə aksiyası həyata keçirilib. Qanvermə aksiyasında 300 nəfərdən artıq əməkdaş iştirak edib.

 

 


  • whatsapp
  • messenger
  • telegram
  • vkontakte
  • odnoklassniki