Şirvan şəhərində, Sahib Zeynalov küçəsi 2 ünvanında yerləşən bina bir ilə yaxındır qəzalı vəziyyətdə qalır.
Vətəninfo.az xəbər verir ki, yaşayış binasının zirzəmisində yaranan problem hələ də həllini tapmayıb.
Aidiyyəti qurumlar tərəfindən binaya baxış keçirilib və onun qəzalı vəziyyətdə olduğu müəyyən edilib. Təhlükəsizlik baxımından sakinlər təxliyə olunub. Binanın taleyi ilə bağlı isə hələ də konkret qərar yoxdur.
Məsələ ilə bağlı Şirvan Şəhər İcra Hakimiyyətindən bildirildi ki, işlər plan üzrə davam etdirilir.
İndi sakinlər binanın taleyi ilə bağlı qərarın tezliklə verilməsini gözləyirlər.
Xezerxeber.az mövzu ilə bağlı daha ətraflı videomaterialı təqdim edir.
