İsrail prezidenti İsaaq Hersoqun təyyarəsinin Türkiyə hava məkanından istifadə etməsi tələbi rədd edilib.
Qeyd edək ki, İsrail hakimiyyəti ötən həftə Azərbaycanın paytaxtı Bakıda keçirilən Birləşmiş Millətlər Təşkilatının (BMT) 29-cu İqlim Dəyişikliyi Tərəflərinin Konfransına (COP29) qatılacaq Hersoqun təyyarəsi üçün Türkiyə hava məkanından istifadə etmək istəyib.
Türkiyə hakimiyyəti İsrail rəsmilərinin müraciətini rədd edib.
İsrail mətbuatında Hersoqun Azərbaycana səfərini “təhlükəsizliklə bağlı narahatlıqlar” səbəbilə ləğv etdiyi barədə məlumatlar yayılıb.
