“Gender və Tərəqqi” Maarifləndirmə İctimai Birliyi tərəfindən 1 Dekabr – Ümumdünya QİÇS-lə Mübarizə Günü ilə əlaqədar şəhər mərkəzində maarifləndirici aksiya keçirilib.
Aksiyada təşkilatın əməkdaşları və gənclər iştirak ediblər. Aksiya zamanı İİV profilaktikasına dair plakatlar yerləşdirilib, şəhər sakinlərinə maarifləndirici çap materialları paylanılıb və İİV-dən qorunma və profilaktikanın əhəmiyyəti barədə qısa məlumat verilib.
Təşkilat tərəfindən bu cür maarifləndirici aksiyaların keçirilməsində əsas məqsəd İİV haqqında düzgün məlumatın yayılması və insanların profilaktik tədbirlərə diqqətinin artırılmasıdır.
