Gürcüstanla quru sərhədi yenidən açılır: tarix açıqlandı
Bakı ilə Tbilisi arasında gündəlik sərnişin dəmir yolu xidməti altı illik fasilədən sonra 26 mayda bərpa olunacaq.
Bu barədə Gürcüstan Hökumət Administrasiyası məlumat verib.
Qərar Gürcüstanın Baş naziri İrakli Kobaxidze ilə Azərbaycan Prezidenti İlham Əliyev arasında keçirilən görüşdən sonra elan edilib. Görüşdə tərəflər strateji tərəfdaşlıq və əməkdaşlığın genişləndirilməsi perspektivlərini müzakirə ediblər.
Danışıqlardan sonra İkitərəfli Koordinasiya Şurasının protokolu imzalanıb. Sənəddə, digər məsələlərlə yanaşı, Bakı-Tbilisi-Qars dəmir yolunun yeni hissəsinin tam istifadəyə verilməsi də nəzərdə tutulur, baxmayaraq ki, istifadəyə verilmə tarixi göstərilməyib.
Xatırladaq ki, keçən il də Gürcüstan höküməti Azərbaycan-Gürcüstan quru sərhədinin 2025-ci ilin may ayının sonunda açılacağı və Tbilisi-Bakı qatarının bərpası haqda məlumat yaymışdı. Sonradan Azərbaycan Dəmir Yolları QSC bu məlumatı təkzib etdi.
