“Qurtuluş Günü xalqımızın tarixinə bir müdriklik, qəhrəmanlıq, ümummilli iradə, inadkarlıq anı kimi həkk olunub. Xalqımızın uzaqgörənliyi həmin çətin, ümidsiz, qaranlıq günlərdə bütün maneələrin aradan qalxmasına və Ulu öndərin Bakıya gəlməsinə şərait yaratdı.” –Vətəninfo.az xəbər verir ki, bu fikirləri millət vəkili Elnur Allahverdiyev çıxışında bildirib.
Millət vəkili qeyd edib ki, tarixinin ən qüdrətli çağını yaşayan, ərazi bütövlüyü təmin olunmuş, sərhədləri qorunan Azərbaycanın əsası məhz həmin gün qoyuldu və Ümummilli lider Heydər Əliyevlə xalqımızın birliyi nəticəsində Azərbaycan xilas oldu.
