image-41backend

“Bank Respublika” şəhid ailələrinə və qazilərə dəstək oldu!

image-reklam_sirab_01

Ölkəmizdə davamlı olaraq sosial layihələr həyata keçirən ölkənin aparıcı banklarından biri olan “Bank Respublika” ASC Zəfər Günü ərəfəsində həssas əhali qruplarının özünüməşğulluğunun təşkili istiqamətində başladığı tədbirləri uğurla başa vurub.

Bank, 44 günlük Vətən müharibəsi zamanı canlarını Vətənə sipər edib bayrağımızı zirvələrdə dalğalandıran Zəfər günümüzün səbəbkarları olan sosial müdafiəyə xüsusi ehtiyacı olan 20 şəhid ailəsinə və qaziyə dəstək olub. Bərdə, Tərtər, Quba, Qəbələ, İsmayıllı, Zaqatala və Mingəçevirdə həyata keçirilən layihə çərçivəsində şəhid ailələrinin üzvləri, qazilər, müharibə iştirakçıları heyvandarlıq təsərrüfatlarının qurulması üçün əvəzsiz olaraq mal-qara və yemlə təmin olunub.

Özünüməşğulluq layihəsi çərçivəsində “Bank Respublika” indiyə qədər paytaxt Bakı ilə yanaşı ölkənin əksər regionlarında 100-ə yaxın işsiz, əlil, şəhid ailəsi, qazi və aztəminatlı ailələrdən olan şəxslərə müxtəlif sahələr üzrə əvəzsiz olaraq aktivlər təqdim edib. Bu tədbirlər Əmək və Əhalinin Sosial Müdafiəsi Nazirliyi, Azərbaycan Mərkəzi Bankı və “Azərbaycan Banklar Assosiasiyası” İctimai Birliyi arasında həssas əhali qruplarının özünüməşğulluğunun təşkilinə köməklik göstərilməsi sahəsində əməkdaşlığa dair Memorandum çərçivəsində həyata keçirilir.

Daha ətraflı məlumatı “Bank Respublika”nın rəsmi saytından, facebook səhifəsindən və yaxud 144 – Çağrı Mərkəzinə zəng edərək əldə etmək mümkündür.

image-reklam_opel_02

  • whatsapp
  • messenger
  • telegram
  • vkontakte
  • odnoklassniki