Avropa Testləşmə Həftəsi çərçivəsində Bakıdakı ticarət mərkəzində əhali arasında HİV infeksiyasının erkən aşkarlanması və maarifləndirilməsi məqsədilə aksiyalar təşkil olunub.
Respublika QİÇS-lə Mübarizə Mərkəzinin təşkilatçılığı və AİDS-lə Mübarizə İctimai Birliyinin tərəfdaşlığı ilə həyata keçirilib.
Beynəlxalq Avtovağzal Kompleksində baş tutan aksiyanın məqsədi vətəndaşlara məxfilik prinsipləri qorunmaqla HİV üzrə pulsuz müayinə və məsləhət xidməti göstərmək, həmçinin erkən diaqnostikanın vacibliyini təbliğ etmək olub.
