UEFA Konfrans Liqasının II təsnifat mərhələsinin cavab oyununda “Neftçi”nin qonağı olacaq Kipr “Aris”inin Bakıya səfər proqramı açıqlanıb.
Limassol təmsilçisi matçdan 2 gün əvvəl – iyulun 26-də Larnaka hava limanından çarter reysi ilə Azərbaycan paytaxtına yola düşəcək.
İyulun 27-si saat 20:30-da “Aris”in baş məşqçisi Aleksey Şpilevski və kapitan Delmiro Naşimentunun iştirakı ilə mətbuat konfransı keçiriləcək. Saat 21:00-da isə komandanın açıq məşqi (ilk 15 dəqiqəsi) olacaq.
Qonaqlar matçdan bir gün sonra – iyulun 29-da Kiprə qayıdacaq.
Qeyd edək ki, “Bakcell Arena”da təşkil olunacaq “Neftçi” – “Aris” görüşü saat 21:00-da başlayacaq. Larnakadakı ilk matçda “ağ-qaralar” rəqibinə 0:2 hesabı ilə uduzub.
