Milli Məclisin deputatı Cavanşir Feyziyev Şəki rayonu Baş Zəyzid kəndində seçicilərlə görüşüb. Millət vəklii seçicilərinin problemləri ilə maraqlanıb. Seçicilər kəndin üçdə bir hissəsinin hələ də qazlaşdırılmaması ilə bağlı problemin olduğunu və qış mövsümünün yaxınlaşması ilə bağlı odun tədarükündə çətinliklərlə üzləşdiklərini bildiriblər. Qaldırılan məsələlər arasında 90- cı illərdə cəbhə bölgəsində vuruşub yaralanmış keçmiş döyüşçünün bu günə qədər müharibə vetetanı statusu ala bilməməsi də olub. Onkoloji xəstəlikdən əziyyət çəkən bir xəstənin ailə üzvləri isə xərçəng xəstəliyi əleyhinə dərman preparatlarının kifayət qədər bahalı olması və bu preparatların xəstələrə pulsuz verilməsini təklif ediblər.
Millət vəkili qaldırılan məsələlərlə bağlı aidiyyatı qurumlara müraciət olunacağını və məsələlərin həlli üçün lazımi addımların atılacağını bildirib.
Sakinlərlə görüşdən sonra millət vəkili Vətən müharibəsi qazisi Tərlan Həsənovun toy məclisində iştirak edib, gənclərə xoşbəxtlik və ailə səadəti arzulayıb.
Akif Salam
Əməkdar jurnalist
