image-img-20230721-wa0009backend

Nizami rayonunda əmək yarmarkası təşkil olunub

image-reklam_sirab_01

Ölkədə həyata keçirilən sosial siyasətin əsas istiqamətlərindən biri də əhalinin məşğulluq səviyyəsinin artırılmasıdır. Vətəndaşların sosial rifah halının daha da yaxşılaşıdırılması istiqamətində görülən tədbirlər çərçivəsində işaxtaran vətəndaşların işlə təminatına və işəgötürənlərə qısa vaxt ərzində müvafiq tələblərə cavab verə bilən kadr seçiminə köməklik göstərilməsi məqsədilə ölkədə mütəmadi olaraq əmək yarmarkaları təşkil olunur.

Aktiv məşğulluq tədbirlərindən biri də Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Bakı Regional Məşğulluq filialı və Nizami Rayon İcra Hakimiyyətinin birgə təşkilatçılığı ilə 20 iyul 2023-cü il tarixində “Wyndham Garden Baku” mehmanxanasının “Xan Çinar” zalında Nizami rayon sakinləri üçün təşkil olunub.
Əmək yarmarkasında Rayon İcra Hakimiyyətinin başçısı Coşqun Cəbrayılov, Bakı Regional Məşğulluq filialının müdir müavini Orxan Novruzov, Rayon İcra Hakimiyyətinin və Məşğulluq filialının əməkdaşları, rayonda fəaliyyət göstərən idarə, müəssisə və təşkilat rəhbərləri, ictimaiyyət nümayəndələri iştirak ediblər.
Əmək yarmarkasında dövlət və özəl sektordan olan 13 müəssisə iştirak edib. Yarmarkaya gələnlərə işəgötürənlər tərəfindən 412 yeni iş yeri təqdim edilib. Təqdim olunan iş yerləri üzrə əməkhaqqı 345-1400 manat təşkil edib.
Yarmarkada işəgötürənlər tərəfindən təqdim olunmuş vakansiyalara uyğun gələn vətəndaşlar, həmçinin müharibə iştirakçıları, qazilər və sosial müdafiəyə xüsusi ehtiyacı olan şəxslər dəvət olunmaqla ümumilikdə 200 nəfərdən artıq vətəndaşın iştirakı təmin olunub.
İşəgötürənlər tərəfindən vakansiyalara müraciət edən şəxslərin CV-ləri qəbul edilərək nəzərdən keçirilib və uyğun namizədlər növbəti mərhələyə dəvət olunublar.
Eyni zamanda, tədbir iştirakçılarına Dövlət Məşğulluq Agentliyinin fəaliyyət istiqamətləri və xidmətlərindən olan peşə hazırlığı kursları, peşəyönümü məsləhətlər və işəgötürənlərə maraqlı olan layihələr, sosial qayğıya ehtiyacı olan ailələr üçün yaradılan özünüməşğulluq imkanları barədə ətraflı məlumatlar verilib və müvafiq xidmətlər göstərilib.

image-img-20230721-wa0015 image-img-20230721-wa0014 image-img-20230721-wa0013 image-img-20230721-wa0012 image-img-20230721-wa0011 image-img-20230721-wa0010 image-img-20230721-wa0009

image-reklam_opel_02

  • whatsapp
  • messenger
  • telegram
  • vkontakte
  • odnoklassniki