Xəbər verdiyimiz kimi, fevralın 25-də “Qarabağdan Anadoluya: Gənclərin İstanbul Forumu” keçirilib.
Yenicag.az xəbər verir ki, Azərbaycan Gənclər Fondunun dəstəyi, Türkiyə Azərbaycan Dərnəkləri Federasiyasının tərəfdaşlığı “Qızılbaş” Gəncləri Maarifləndirmə İctimai Birliyinin təşkilatçılığı ilə baş tutan forum işini fotosərgi ilə davam etdirib.
Belə ki, təşkil edilən sərgidə azad edilən ərazilərin işğal dönəmində erməni vandalizmi nəticəsində düşdüyü durumu özündə əks etdirən fotolar nümayiş etdirilib. Bundan başqa, Qarabağda aparılan yenidənqurma və bərpa işlərinin əks olunduğu şəkillər də sərgilənib.
