Həssas əhali qruplarının dəstəklə əhatə olunması işlərində Əmək və Əhalinin Sosial Müdafiəsi Nazirliyi ilə sosial tərəfdaşlığını davam etdirən “Paşa Holding” aztəminatlı ailələrin uşaqlarını məktəbli ləvazimatları ilə təmin etməyə başlayıb.
Nazirliyin İctimaiyyətlə əlaqələr və kommunikasiya şöbəsindən Veteninfo.az-a verilən məlumata görə, şirkət yeni tədris ili ərəfəsində Bakı və regionlarda 13 min 300-dən çox aztəminatlı ailənin uşaqlarının məktəbli ləvazimatları ilə təmin etməyi nəzərdə tutur.
“Paşa Holding” tərəfindən təqdim edilən çanta, məktəbli forması və digər zəruri məktəb ləvazimatları nazirliyin tabeliyindəki Sosial Xidmətlər Agentliyinin əməkdaşları tərəfindən ailələrə çatdırılır.
