İranın xarici işlər naziri Hüseyn Əmir Abdullahian deyib ki, Kiyev Rusiyanın Ukraynaya hücumlarda istifadə etmək üçün İrandan silah aldığına dair heç bir etibarlı sübut təqdim edə bilməyib.
Vətəninfo.az xəbər verir ki, Davosda keçirilən Dünya İqtisadi Forumunda çıxış edən Abdullahian İranın Ukrayna müharibəsinə müdaxiləsi ilə bağlı uydurma ittihamlar irəli sürdüyünə görə ABŞ-ı da tənqid edib. İranlı nazirin sözlərinə görə, bu cür ittihamlar digər ölkələri İrana qarşı təhrik etmək cəhdindən başqa bir şey deyil.
Xarici işlər naziri həmçinin bildirib ki, bir ildən artıqdır ki, o, ukraynalı həmkarına Rusiyadan İran istehsalı olan pilotsuz təyyarələrin və silahların istifadəsinə dair sübut təqdim etməyi təklif edib.
“Onlar İran istehsalı olan PUA və silahlardan onlara qarşı istifadə edildiyini göstərən heç bir sübut təqdim edə bilmədilər”, – Abdullahiyan bildirib. Nazirin sözlərinə görə, istənilən ölkə İranın PUA-larını asanlıqla kopiyalaya bilər və Tehran buna görə məsuliyyət daşıya bilməz.
