Dövlət Departamentinin nümayəndəsi bildirib ki, Brüsseldə keçirilən görüş Ermənistanın iqtisadi dayanıqlığına həsr olunub.
ABŞ Dövlət Departamentinin sözçüsü Metyu Miller aprelin 5-də Brüsseldə Paşinyan-Blinken-fon der Leyen görüşündə Ermənistan-Azərbaycan problemlərinin də müzakirə olunacağını istisna etmir, lakin amerikalı rəsminin sözlərinə görə, bu məsələ iclasın əsas gündəliyində deyil.
“Brüsseldə keçirilən görüşün məqsədi Ermənistanın ticarət tərəfdaşlıqlarını şaxələndirmək və humanitar ehtiyacları ödəmək üçün çalışarkən onun iqtisadi dayanıqlığına diqqəti yönəltməkdir”, – Miller bildirib.
