AMEA-nın prezidenti akademik İsa Həbibbəyli Azərbaycan ədəbiyyatının görkəmli nümayəndəsi, tərcüməçi, Əməkdar mədəniyyət işçisi, Xalq şairi Nigar Rəfibəylinin Gəncə şəhərindəki abidəsini ziyarət edib.
Akademiya rəhbəri şairin Gəncə şəhərindəki Xan Bağında yerləşən abidəsinin önünə gül dəstələri qoyub, xatirəsini yad edib.
Qeyd edək ki, ziyarət AMEA prezidenti akademik İsa Həbibbəylinin rəhbərlik etdiyi nümayəndə heyətinin Akademiyanın Gəncə Bölməsində keçirilən görkəmli ədəbiyyatşünas alim, akademik Həmid Araslının 115 illiyinə həsr olunmuş elmi konfransda iştirakı məqsədilə Gəncə şəhərinə səfəri zamanı baş tutub.
